Wezîrê Edaletî Yilmaz Tunç cewab da waştişê ‘Wa Ocalan rojnamegeran reyde pêvînayîş biko’ û vat: “Çîyî çarçewaya qanûnan de eşkenê bêrê kerdene.”
Wezîrê Edaletî Yilmaz Tunç derheqê waştişê DEM Partî de ke vatêne wa Rayberê Şarê Kurdî Abdullah Ocalan bieşko şexs, rojnameger û sîyasetmedaran reyde pêvînayîş bikero, qisey kerd. Tunç vat: “Kesî ke hepisxane de manenê, eşkenê pêvînayîşanê senîna bikerê, na babete sererastkerdişê qanûnan de dîyar o. Çîyê çarçewaya nê qanûnan de eşkenê bêrê kerdene.”
Heyetê DEM Partî 24ê nîsane de bi Wezîrê Edaletî Yilmaz Tunç reyde pêvînayîş kerd û înan ey ra waştbi ke wa îmkan bêro dayene ke Rayberê Şarê Kurdî Abdullah Ocalan bieşko rojnamgeran reyde pêvînayîş bikero.
