Vatişê Dr. Şêx Murşîd Xeznewîyî “Oxlim bavê te nikaribû” û Suleyman Salgucakî “Konuş, sen nerelisin?” mîyanê kurdan de elaqayê zaf bi gird dîyê û kurdan peynîya erebeyê xo ra nê vatişan nusenê.
Lajê Şêx Maşuk Xeznewîyî, Dr. Şêx Murşîd Xeznewî, Rojawan de seba yewîya kurdan xebityeno û verba hêrişê Dewleta Tirke yê Rojawanî ser o zî her tim mîyanê şarî de cayê xo gêno. Verba gef û hêrişan ser o Dr. Şêx Murşîd Xeznewî vatbî ke: “Qaşo ma rê vanê, ma do çekê înan binerdî bikê. Oxlim, pîyê to nêeşkîyaynî! (Oxlim, bavê te nikaribû)” no vatişê Xeznewîyî mîyanê kurdan elaqayêko gird dî û kurdan peynîya erebeyê xo ra no vatişî nusenê.
Hewna Weçînayişê Herême yê 2024î de Şirnex de Suleyman Salgucak zî weçînitoxê ke teberê şaristanî ra ameybî ardişî ra seba nêrazîbîyayişê xo nîşan bido vatî bî: “Bivaje, ti kura ra yî – Konuş, sen nerelisin?” û vatişê Suleyman Salgucakî rojeva Tirkîya ca girewtbî, hetta rojeva Meclîsî ser ci nîqaş ameybî kerdiş la peynî zî heqê ey de doz ameybî akerdiş.
