Senî Hunermed Ehmed Şemal bi xo bi feqîrî cuya kerdo, pêroyîya deyîrê xo zî seba feqîran vato. Sinifa feqîr, xo mîyanê deyîranê ci de xo dîyo, no ser zî bîyo veng û bestekarê feqîran.
Ehmed Şemal serra 1922î de Taxa Çiwarbaxî ya Silêmanî de maya xo ra bîyo. Nameyê Ehmed Şemal yê temam Ehmed Mehmud o û bi nameye ‘Ehey Xulesneyî’ ya zî Ehmed Şemal yeno naskerdene. Seba ke pîyê ci şarê şaristanê Sine yê Kurdistanê Rojhilatî ra yo, nasnameyê Sine girewto.
Dest bi karkerîye kerdo
Emrê xo yê domanî de dest bi wendişê Quranî kerdo, dima zî şaristanan de dest bi karkerîye kerdo û hetkarîya pîyê xo kerdo. Cuya xo karê sey, karkerî, citkarî, şiwanî kerdo, cuya xo bi dej derbas kerdo. Her wina hetê karî, avzelî dayo hunerî zî.
Silêmanî de zewijyeno û pîyê 6 domanê bi nameye Cemal, Celal, Ceza, Şemal, Nask û Benaz o. Ehmed Şemal Silêmanî dest bi karê hunerî kerdo. Her tim bi hêvî bî, Ehmed Şemal kesek vatişo weş û kesêko rûken bî. Deyîranê xo xususî seba heskerdoxan û xozaya Kurdistanî ser o vato, kesêk welatperwer bî. Mîyanê komelî de bi vatişê xo yê weş û bi bandor ameynî naskerdene.
Beşdarî tîyatro zî beno
Serra 1953î de dest bi karê hunerî kerdo, peynî zî mîyanê komelî de yeno naskerdene û hetê şar ra zî yeno heskerdene. Hetê hunermendê nê demî; hunermend Mamlê, Merdan û Hesen Zîrek deyîr vato. Ehmed Şemal beşdarî tîyatro zî bîyo, nê tîyatroyan yew zî bi nameye Meteda yo. Rolê ci yê sereke sey deyîrbaz bî. Karê xo yê hunerî keye de kerdo û avzelîyêko gird dayo, hewl dayo hunerê xo aver bero.
No dem de seba ke zaf avzelî nêameynî hunerî ra dayîş, no zî bîyo semedê nêrazîbîyayîşî yê Ehmed Şemalî û wina rixne keno:
“Huner gelek bi nirxe, ax nirxê wê nîne
Di nava Kurdên me de qîmeta wê nîne
Bi kirêt bang dikin, jêre dibêjin
Ev kabira miritbe
Ji vê xerabtir ku hejar bû, jêre dibêjin kevniye
Lê serwet û malek zêde hebe
Her çi cûr be
Eşhedû pêdakêşin, jêre dibêjin
Her mêrê wiha nîne”
Nuştox û cigêrayox Reûf Şêz Ezîz kitabêk ser cuyaya ci nuşto û vila kerdo. Hunermend Ehmed Şemal 3ê Nîsana 1997î de rîyê nêweşîye şaristanê Silêmanî de cuya xo dayo û Silêmanî de ameyo defînkerdene.
