Şaredarîya Amedî ya Şaristanê Girdî, seba ke şar verê serneweyî de cayêko weş û biemnîyet de dekewo serra newîye, kontrolê şewe yê tesîsanê pêroyê şaristanî de bi taybetî lokanta, market, otel û cayê şayîyan ser o, ame zêdekerdene.
Kontrolê ke hetê Serekîya Daîreya Karanê Weşîye ra yenê ramitene, bi ekîbanê Serekîya Daîreya Zabita reyde bikoordîne yenê kerdene. Kontrolan de bi taybetî lokanta, pastaxane, market, firin, otel û cayê şayîyan, ê ke serneweyî û verê ci de hetê şarî ra yenê tercîhkerdene, ameyî kontrolkerdene.
Kontrolan de ke ekîban kerdî; şertê hîjyenî, emnîyetîyê xidayan û standardê weşîye yê pêroyî bi teferuat ameyî etudkerdene. Çarçewaya kontrolan de tesîsan de kontrolê tarîxê xebitnayîşî yo peyên, şertê pawîtişê berheman û tetbîqê zincîrê serdinî, kontrolê ruxset û belgeyê qanûnîyan, qaydeyê hîjyenî, agahîyê etîketan, tedeyî û berhemardişê berhemanê xidayan û şertê pakîya tesîsan ameyî kontrolkerdene.
Tesîsê ke rewşa ci goreyê mewzuatî nîya, înan hişyarîyê lazimî ameyî kerdene, ame îlankerdene ke eke îxlalî dewam bikerê tatbîqo qanûnî do bêrê bicaardene.
