Hasan Ogut ke 32 serrî yo girewteyo û veredayene ey 4 rey hetê Komîteya Çimdarî ra amebi astengkerdene, Hepîsxaneyê Tîpê T’yî yê Karabukê ra ame texlîyekerdene.
Girewteyo sîyasî Hasan Ogut ke 32 serrî girewtebî, Hepîsxaneyê Tîpê T’yî yê Karabukê ra ame veredayene. Hasan Ogut ke texlîyeyê ey hetê Komîteya Çimdarî ra 4 rey amebi astegkerdene, vernîya hepîsxaneyî de hetê keye û nasanê xo ra ame pêşwazîkerdene. Hasan Ogut badê pêşwazîkerdene seba ke şêro keyeyê xo yê Mêrsînî kewte rayîr.
Serra 1994 de amebi girewtene
Hasan Ogut, serra 1994 de hetê Mehkemaya Ewlekarîya Dewlete (DGM) ra bi cezaya muebedî amebî hukmkerdene. Hasan Ogut, mîyanê 32 serran de bi rêze hepisxaneyanê Meletî, Amasya, Sîncan, Sîlîfke, Nevşehîr û Karabukî de mendbî. Hepisxaneyê Karabukî ra ame texlîyekerdene.
