Verfeka DEM Partî Ayşegul Dogan cewab da vatişanê Wezîrê Edaletî û vat: “Keremê xo ra şima karê xo bikerê.”
Verfeka DEM Partî Ayşegul Dogan hesabê xo yê X’î ser o cewab da eşkerayîya Wezîrê Edaletî Yilmaz Tunçî. Yilmaz Tunç Kombîyayîşê Meclîsî yê AKP’yî de cewab da persanê rojnamegeran û vatişê Tulay Hatîmogullari bedilnayê û goreyê şîrove kerdê.
Ayşegul Dogan bi parekerdişê xo cewab da Wezîrê Edaletî: “Birêz Wezîr; amancê ma caardişê aştî, edalet û demokrasî yo. Ganî ma pêro na babete de berpirsîyarîya xo bîyarê ca. Huqûq, demokrasî û edalet bi kayanê çekuyan nêyenê ca. Çareserîya problemêko tarîxî cidîyet wazeno. Ma wezaretê şima silaynenê ziwan û nêzdîbîyayîşêko ke na berpirsîyarîya tarîxî bîgîro xo ser. Keremê xo ra şima karê xo bikerê.”
Tulay Hatimogûllari vizêr kombîyayîşê grûba partîya xo de vatbi: “Seba heme şertanê azadîya Ocalanî êdî dora îqtîdarî ya.”
Yilmaz Tunç zî ewro eşkerayîya Tulay Hatîmogullari ser o qisey kerd û vat: “Seni dore ya îqtîdarî ya, ma tîya de goge kay nêkenê.”
