Wan çalakîyanê numayîşê verba tayînkerdişê qeyûmî de 55ê înan gedeyî 400 kesî ameyî destbendkerdene.
Goreyê zanayîşê ke pawitoxanê heqî û rêxistinanê huqûqî ra ameyî girewtene 350 kesî ke binê çimdarîya avûkatan de prosesê ci yê huqûqî dewam keno, înan ra 24 kesî ameyî tepiştene 50 kesî zî badê îfadeyî serbest ameyî veradayene.
16 gedeyê ke ameyê destbendkerdene raştê îşkenceyî ameyî. Sere, harme, dest û leşa înan de herindê îşkenceyî ameyî tesbîtkerdene. 2 kesê de ke serbest ameyî veradayene problemê vînayîşî est o.
Xeylê kesê ke numayîşan de raştê hêrişê polîsan ameyî û birîndar bîyî tersê destbendkerdişî ra nêşîye nêweşxane. Reyna xeylê kesê ke şîyî nêweşxane rixmê derbanê xo yê giranan rapor nêdîya înan. OHD û ÎHD’yî ke masaya krîzî ronayo do nizdî ra raporê xo yê binpaykerdişê heqan eşkera bikero.
