Şarê Îraq û Herêma Federe ya Kurdîstanî do siba seba weçînitişanê serdemo 6. ê parşamentoyê Iraqî rayanê xo bişuxulnê.
Îraq û Herêma Federe ya Kurdîstanî de siba weçînitişê Parlamentoyê Îraqî yenê kerdene. Vizêr vengdayîşo taybet saete 07:00î de dest pêkerd û heta saete 18:00î bi beşdarîya mîlyonêk û 313 hezar û 980 kesanê hêzanê ewlekarî yê Îraq û Herêma Kurdîstanî ame kerdene.
Siba zî vengdayîşo pêroyî yeno kerdene ke bi hewayêko pêroyî heqê 21 mîlyon û 404 hezar kesan est o ke rayanê xo bişuxulnê.
Siba do 31 hempeyman (tifaq), 38 partî, 75 namzetê xoser ke 7 hezar û 769 namzetan ra yeno pê, seba girewtişê 329 kursîyanê Parlamentoyê Îraqî do mîyanê cehdî de bibê.
Prosesê weçînitişî do 809 merkezanê vengdayîşî yê pêroyî Îraqî de bêro kerdene û 4 hezar û 501 sindoqê vengdayîşî bêrê vilakerdene.
Vengdayîş siba saete 07:00î de dest pêbikero û heta saete 18:00î dewam bikero.
Yeno zaneyene ke 24 saetan ra pey encamê weçînitişî bi hewayêko ne fermî bêrê parekerdene.
