Welatijo 85 serre Mehmet Zekî Sayak ke 6 serrî 3 aşmî cezaya ey a hepisî hetê Mehkemeya Berze ra ameya qebulkerdene, serê sibayî Çewlig de ame destbendkerdene û dima ra zî ame tepiştene.
Welatijê bi nameyê Mehmet Zekî Sayak (85) ewro serê sibayî merkezê Çewlîgî de netîceya sereştişê keyeyê xo de ame destbendkerdene. Ame zanayene ke şodirî de leşkeran eşto keyeyê Mehmet Zekî Sayakî û ey destbend kerdo. Ame dîyarkerdene ke 6 serrî 3 aşmî cezaya Mehmet Zekî Sayak hetê Mehkamaya Berze ra ameya qebulkerdene û welatij Zekî Sayak erşawitê Hepisxaneyê Xarpêtî.
Mehmet Zekî Sayak 13ê êlula 2012î de bi manaya “yewî û yewparçebîyayîşê dewlete herimnayo” ame tepiştene. Serrêk ra dima 19ê êlule de cezaya ey hetê Mehkemaya Berze ra ameye qebulkerdene û nê 6 serrî yo ke seba ke nêro girewtene, xo pawitêne.
