Verî vatêne pero ke qetlê pezkûvîyan ra yeno seba birîndaran zayî beno, nika zî vanê pezkûvî ‘ameyî hesadkerdene’
Wezîrtîye pero ke nayera ver qetlê pezkûvîyan ra amêne girotene seba î perî vatêne seba ‘heywananê birîndaran’ yeno zayîkerdene. Na defa zî seba pezkûvîyê ke ênê qetilkerdene Wezîrî vatena ‘ameyî hesadkerdene’ dê şixulnayene.
Cisnê pezkûvîyan ‘binê tehlukeyê qedîyayîşî’ de ro, no semed ra vera kiştişê pezkûvîyan reaksîyonê komelan û her daîm esto rêna qerarê vindartnayena mahkemeyan zî esto. Rêna zî pezkûvî pê peran qetilbiyayene ra nê xelesînê ra.
Wezirtîya Zîret û Birrî her serre seba qetilkerdena pezkûvîyan îhale kena ya.
Wekîlê CHP’yî yê Nîgde Omer Fethî Gurer Wezîrê Zîret û Birrî ra pers kerd va nî panc serranê peyênan de çend pezkûvî ameyî kiştene. Nêçîra qaçaxe bîya, çend kesî no semed ra ameyê girotene.
Cewabê Wezîrê Zîret û Birrî Îbrahîm Yumaklî nîyaro: Mabênê 2023-2024 de 40 welatan ra nêçîrvanê turîzmî amê. Mîyanê yew serra peyênede 325 pezkûvî, Nîgde de 5 serrî de 54 pezkûvî ameyî nêçîrkerdene. Verê naye de 5 milyon 807 hezar TL hesat amo kerdiş”
