Xelata gird a 15. ya Festîvala Mîyanneteweyî ya Gîtara Klasîk a Sarajevo (Saraybosna) Cem Şivan Ergul girewt.
Festîvala Mîyanneteweyî ya Gîtara Klasîk a Sarajevo ke 16ê nîsane de dest pêkerdbî, beşdarî hewt kategorîyan de kewtbî musebaqa, qedîyaye. Çimê derûdorê muzîke festîvale ser o bîyê û hemverê festîvale eleqeyêka xurte est bîye. Roja peyîne ya festîvale de Cem Şivan Ergul hetê jurîyan ra serkewte ame vînayîş û bi wayîrê xelata girde ya festîvale.
Cem Şivan warê gîtara klasîk de nameyê xo bi serkewtişêko unîversal da hesnayene. Fînalê festîvale de nê besteyî cenayî; “Suîta1. ê Lavtaye” yê Johann Sebastian Bachî “Sarabanda” û “Gigue”, beşa yewine rêza “24 Caphrîchos de Goya”ya M.C. Tedescoyî, “Théme varié et finale”ya M. Ponceî û “Prelude” û “Toccata”ya Hans Haugî.
Cem Şivan Ergul kam o?
Cem Şivan Ergul o ke serra 2001î de maya xo ra bîyo, Batman ra yo. Serra 2024î de Konservatuarê Qralîyetî yê Hollanda ra mezun beno. Nika Awusturya de, Unîversîteya Anton Brucknerî de, mamosteyê xo Campbell Diamond reyde xebatanê xo yê akademîk û muzîkî domneno. Muzîkjen Cem Şivan xelata Festîvala Mîyanneteweyî ya Gîtara Klasîk a Sarajevoy destanê Ðani Ŝehuyê organîzatorê festîvale û Hubert Kappel ke serekê jurî ra girewt.
