Şûbeyê Egîtîm Senî yê Wanî seba vîrardişê wendekara unîversîte Rojîn Kabaîş û cinîyanê ke ameyî qirkerdene “Musabeqaya Hîkayeyanê Rojîn Kabaîş” organîze kerd û xelatî bi merasimêk ameyî dayene. Merasîm Salona Konferansî ya Baroyê Wanî de bîyî û pîyê Rojîne Nizamettîn Kabaîş zî beşdar bî.
Hemsereka Şûbeyê Egîtîm Senî Funda Demîr Bozkurt vat: “Ma hîkayeyê heme cinîyanê ke bi şîdetê dewlet-camêrdî ameyî qirkerdene, bi rengêko gikdar cuya xo ra bîyî û heqê ciwîyayîşî înan ra ameyo girewtene, bîyarê ziwan û bidê nuştene. Ma bi birnîyayîşê porê xo, bi ruhê xoverdayîşî û bi felsefeya Jin Jiyan Azadîye, pêşengîya komelê azadî sey deynêko ser milê xo vînenê.”
Nizamettîn Kabaîşî vat: “Telefonê ke erşawîyaybî Îspanya nêakerd. Venga sozgeran dana; ganî delîlê bînî zî bêrê cigêrayîşkerdene. Wa aqibetê Rojîne bêro dîyarkerdene.”
Xelatî beşanê Kirmanckî (Zazakî), Kurmancî û Tirkî de ameyî dayene. Beşê Kirmanckî de: Yakûp Taşçi bi hîkayeya “Xeyal” bî yewin, Erkan Yildirim bi “Zeriya Golê Wanî” bî dîyin, Çîno bi “Hevalîya maseyan” bî hîrêyin û Omer Bîçer xelata taybete ya jurîyî girewt.
