Hemşaredarê Şaristanê Girde ya Amedî Dogan Hatun ke çalakîya nobetî ya Wan de ca gêno, wina va: “Wan de xoverdayişêko biheybet est o.” Dogan, vengdayîşê “Xeletîya xo ra agêrê” îqtîdar kerd.
Çalakîya nobedî ya verê Şaredarîya Wanî de roja 4. de domyena. Bi hezaran welatijê şaristanî, varayişê vewrî û hewayê serdî ra xem nêkenê û zî beşdarê çalakîye benê. Yew kesê ke çalakî de ca gêno, Hemşaredarê Şaredarîya Girde ya Amedî Dogan Hatun o.
Hatun roja yewîne çalakî de ca gêno
Hatun ke çalakî de ca gêno, MA’yî rê qise kerd. Hatun dîyar kerd ke ser weçînayîşan ra 10 aşmê vîyartê la hema zî îqtîdar netîceyê weçînayişan qebûl nêkeno û wina va: “Hema zî nêwazenê şar, deskewteyanê xo bi dest bikê. No ser dima weçînayişê 31ê Adare hewl dayê mazbataya Abdullah Zeydan xesp bikerê la belê şar nêrazîbîyayişê xo nîşan da. Netîceyê xoverdayişê şarî de nêçare mendê ke peygame bierzê la belê nê 4 rojê wazenê hewna şexsê Abdullah Zeydan de îradeya şarî ya Wanî çin bikerê. Şar zî verba na rewşe bi şewe û roj wayîrê îradeya xo rê wayîr vejyenê.”
Xoverdayişêko biheybet est o
Hatun ard ziwan wa cezaya Abdullah Zeydan ameya birnayiş bêro betalkerdene û wina qedîna: “Polîtîkayê înan xelet ê, şar zî nê xeletî dî. Şarê ma yê aştwaşt o û nê 4 rojê wayîrê îradeya xo vejîyenê. Ma spasîya şarê xo kenê ke peygame nêeşt. Ez milê xo ver xoverdayiş û vindertişê şarê Wanî de tewneno. Ya tewro weş nîyo ke xeletîya xo agêrê.”
