Xeta Cinîyanê Antalya semedê kampanyaya ke do mabêne 10ê sibate û 8ê adare de dewam bikera, bi sloganê ‘Semedê xoverdayîşî vengdayîş’ venga tewrbîyayîşê heme cinîyan kerd.
Xeta Cinîyanê Antalya do mabêne 10ê sibate û 8ê Adare de kampanyaya 8ê Adare pê bîyarê. Îştar Keskîn nameyê Xeta Cinî ser o Ajansa JINNEWS’î rê qisey kerd û bale ant polîtîkayanê şerê taybetî ser o. Îştar Keskîn semedê kampanyaya de ke bi sloganê, ‘Semedê xoverdayîşî vengdayîş’ dewam kena venga tewrbîyayîşê heme cinîyan kerd.
Venga têkoşînî
Îştar Keskîn hemverê zîhnîyetê serdestî yê camêrdan venga têkoşînê cinîyan kerd û wina vat: “Helwestê cinîyanê ciwanan yê hemverê zîhnîyetê camêrd ke serwerîya kapîtalîzmî keno, cayo ke cinî yenê kiştiş û mêtingerî yenê kerdiş vindertişê cinîyan net o. Xeta ma xeta ê kesê ke vanê, fek sîstemê serdestî ra vera bidê û pey heqîqetî de bê, ya. Raştîya embazanê ma Rojîn Kabaîş, Zeren Ertaş û Gulîstan Doku, polîtîkayê şerê taybet yê şexsê cinîyanê ciwanan de, çinhesibnayîşê cinî de, nimitişê cînayetê cinîyan de û vetişê înan de, nuqtaya peyîn ke şexsê cinîyanê ciwanan de ameyo kerdiş, bi zelalî mojneno. Wexto ke ma ver bi 8ê adare de şinê ma reya bîn dîyar kenê ke semedê cinîyan her roje azadbîyayîşê şert û mercê cuye yo û tena rojêka winasîne de hewldayîşê xîtabê cinî rêçê kûrî yê koletî hewênenê.”
‘Kampusan ra ver bi wareyan’
Îştar Keskîn qiseykerdişê xo wina domna: “Hêz û îradeyê ma û bîyayîşê cinîyanê ciwanan, cuye de bîyayîşê komelê azad hewêneno. Bîyayîşê îradeyê ma her cayê ke têkoşînê ma yê bîyayîşî est o. Sey Xeta Cinî, bi hêzo ke tradîsyonê xoverdayîşî ra gênê, 8ê Adare de ma pêro cinîyanê kampusan dawetê wareyan kenê. Ma dîyar kenê ke ma hemverê heme qeyûman, çinhesibnayîş, bomberdûman û qirkerdişan ê û nînan ma hêvîya cuyêka azade kenê.”
‘Hemverê zîhnîyetê pederşahî cewabê girseyî’
Îştar Keskîn tewr peyên wina vat: “Ma cinîyê ke kampus de kuçeyan de û wareyan de xo biresnê yewbînan, bi sloganê ‘semedê xoverdayîşî vengdayîş’ ma pêro cinîyan dawetê wareyan kenê û tradîsyonê xoverdayîşê ke ma xo de hewînenê ma do bimojnê herkesî. 8ê Adare hetê yewîya cinîyan de raştîyêka zelal a û seba ey ganî ma hemverê zîhnîyetê pederşahî cewabêko girseyî bidê.”
