Yadoyo Zaza yan zî bi nameyê xo yê rastekênî Yadîn Mahmut Ebas, zereyê Tevgerê Neteweyî yê Kurdan ê 1925î de ca girewto. O yew xoverdayoxo ke cepheyê Xarpêtî de sey perbirsîyarêde leşkerî peywirêde zaf girîng girewto.
Goreyê xebara ANF’î Yadoyo Zaza yan zî bi nameyê xo yê rastekênî Yadîn Mahmut Ebas, zereyê Tevgerê Neteweyî yê Kurdan ê 1925î de ca girewto. O yew xoverdayoxo ke cepheyê Xarpêtî de sey perbirsîyarêde leşkerî peywirêde zaf girîng girewto. Çimê şarê ucayî de sey qehreman yeno dîyayene.
Yado Çewlîg û derûdormeyê Çewlîgî de ciwîyayo û duşê desthilatdaranê herême de vinderto, têkoşîn kerdo.
Tevgerê Neteweyî yê Kurdan ê 1925î
Yado, bi rayberîya Şex Saîd de herême Xarpêt û Paluyî de peywirê leşkerî girewto. Seba ke Yado nê xoverdayîşî de cagirewto û canê xo seba şarê xo dayo mîyanê şarî de sey qehreman yeno dîyayene.
Eşîra Ziktê
Eşîra Ziktê ya ke der û dormeyê Dara Hênî de ciwîyena. Keyeyê Yado’yî zî na eşîre ra yo.
Peywirê Tehsîldarîye
Wextê şerê cîhanî yê yewin de, Yado bi nameyê Dewleta Osmanî dewan ra bac arêdayo.
Surgun û Xoverdayîş:
Dima tevgerê 1925î, keyeyê ey û merdimê ci ameyê surgunkerdene. Yado koyan de mendo û xoverdayîşê xo dewam kerdo.
Şerê Partîzanî
Yado, dima peyde ameyîşê neqebê Mendo bi hevalanê xo vejîyayo koyan û îta de şerê partizanî dewam kerdo.
Xanima Telî Reyde Zewaj
Yado qismê emrê xo yê dîyinî de Xanima Telî reyde zewejîyayo.
Pêrodayîşo Peyên û Merdiş
1936 de, verê cû Xanima Têlîye hemkaran de kewena şer û canê xo dana. Dime ra zî Yado hemkaran de keweno şer û derba girane gêno û beno birîndar û mireno. Wexto ke Yado kişîyayene xoverdayîş zî qedîyeno.
