Bakir Ozturko ke Zîndanê Tîpê Fyî yê Tekîrdagî de yeno tepiştene da pêhesnayene ke hêrişî her roje zêdîyenê.
Bakir Ozturko ke Zîndanê Biasayîşê Berzî yê Tîpê Fyî yê Tekîrdagî de yeno tepiştene, 7ê teşrîna peyêne de keyeyê xo reyde pêvînayîşê telofonî kerd û da pêhesnayene ke hêriş û zextê zîndanî ameyî halê sîstematîkî.
Ozturk îfade kerd ke çî-mîyê ci ameyo destsernayene, koguş û odayan de tim cigêrayîşî benê û vat: “Zîndan de polîtîkayê zextî yenê rayraberdene û zemînê provokasyonî game bi game yenê mûnetene.”
Birayê Bakir Ozturkî, Îbrahîm Ozturkî waşt awenîyê ke zîndan de provokasyonî vejenê wa bêrê eşkerakerdene. Îbrahîm Ozturk veng da ke wa îxlalkerdişî hetê rayapêroyîye, çapemenîya azade, rêxistinanê heqî û meclîsî ra bêrê rojdemkerdene û na çarçewe de heyetî zîndanan zîyaret bikerê.
