Li Edeneyê Meclîsa Dayikên Aştiyê hat damezrandin. Komele li navçeya Seyhanê hat vekirin.
Li navçeya Seyhanê ya Edeneyê Komeleya Dayikên Aştiyê hat damezrandin. Di merasîma vekirina komeleyê de rêveberên bajêr û navçeyan ên Partiya Wekhevî û Demokrasiyê ya Gelan (DEM Partî) û gelek Dayikên Aştiyê amade bûn.
Endama Meclîsa Dayikên Aştiyê ya Edeneyê Suphiye Bayar di merasîma vekirina komeleyê de axivî û anî ziman ku komeleya wan nû hate damezrandin. Suphiye Bayar destnîşan kir ku ew dixwazin komele xwişk û biratiya di navbera Tirk û Kurdan de xurt bike û diyar kir ku ew naxwazin êdî darbest bikevin tu malan. Suphiye Bayar anî ziman ku ew naxwazin êdî ciwanên Kurd an jî leşker û polîs jiyana xwe ji dest bidin û û hêvî kir ku xebata Komîsyonê bi leztir bibe û girtiyên siyasî werin berdan.
Piştî axaftinê, dayikan bi çepik û tilîliyan kurdeleya komeleyê birîn.
