Komîsyona Demokrasî, Xwişk-Biratî û Hevgirtina Milî bi rojeva çûyina Girava Îmraliyê civiya. Tê payin ku komîsyon biryara çûyîna Girava Îmraliyê bide.
Civîna 18êmin a Komîsyona Demokrasî, Xwişk-Biratî û Hevgirtina Milî dest pê kir. Di civînê de komîsyon wê li ser çûyina Girava Îmraliyê hevdîtina bi Rêberê Gelê Kurd Abdullah Ocalan re biryar bide. Tê payin ku komîsyon bêyî mijarê bide dengdayînê biryara çûyîna Girava Îmraliyê bide. Li gorî ku di kulîsan de tê axaftin dê di dengdayînê de parlamenterên AKP, MHP, DEM Partî, EMEP, TÎP û Yeniyol bi awayekî erênî deng bidin. CHPê jî heta niha helwesta xwe zelal nekiriye. Lê heke komîsyon mijarê bide dengdayînê jî dengen herî zêde wê ji bo çûyîna Girava Îmraliyê derbikevin.
Li gor vê rewşê komîsyon dê biryara çûyina Girava Îmraliyê teqez bike. Nayê zanîn bê ka dê di vê civînê de roja çûyîna Girava Îmraliyê diyar bibe an na.
