Bi pêşengiya MEBYA-DERê bi boneya Cejna Remezanê li Şirnex, navçeyên wê û Agiriyê serdana gorên kesên di têkoşîna azadiyê ya gelê Kurd de jiyana xwe ji dest dane, hate kirin.
Komeleya Alîkarî, Piştevanî, Yekitî û Çandê ya Malbatên Xizmên Xwe li Dergûşa Şaristaniyê Winda Kirin (MEBYA-DER), bi boneya Cejna Remezanê li gelek bajaran gorên kesên di têkoşîna azadiyê ya gelê Kurd de jiyana xwe ji dest dane ziyaret kir.
Cangorî bi duayan hatin bîranîn
Li Agiriyê bi boneya Cejna Remezanê gorên kesên di têkoşîna azadiyê ya gelê Kurd de jiyana xwe ji dest dan ên li Goristanên Fatîh û Yuzuncu Yilê hatin ziyaretkirin. Serdan, bi pêşengtiya MEBYA-DERê hatin kirin. Wekîla DEM Partiyê ya Agiriyê Nejla Demîr, nûnerên partiyên siyasî û malbat tev li serdanê bûn. Di serdanê de dua hatin kirin û cejn hate pîrozkirin.
Li Şirnex û navçeyên wê serdanên girseyî
Li navenda Şirnexê û navçeyên wê Cizîr, Hezex û Silopiyayê jî bi pêşengtiya MEBYA-DERê gorên kesên di têkoşîna azadiyê de jiyana xwe ji dest dane hatin ziyaretkirin. Nûnerên partiyên siyasî, rêxistinên girseyî yên demokratîk û gelek kes tev li bûn. Di serdanê de dua hatin kirin û hat xwestin ku cejn bibe wesîleya aştî û azadiyê.
