Partiyên siyasî û Komîteya Amadekar a mitînga 1ê Gulanê li Amedê belavok belav kirin û gel vexwendin mitîngê.
1ê Gulanê Roja Kedkar û Karkeran ya Cîhanê li Qada Îstasyonê ya Amedê dê were pîrozkirin. Partiyên siyasî, saziyên sivîl û sendîkayan bi boneya 1ê Gulanê bênavber xebatên amadekariyê didomînin. DEM Partî, DBP yên Amedê Gûlşen Ozer, Partiya Sosyalîstan Bindestan (ESP), Konfederasyona Sendîkayên Karkerên Şoreşger (DÎSK), şaxên Konfederasyona Sendîkayên Kedkarên Cameweriyê (KESK), TMMOB û Komîteya Amadekar a Mitînga 1ê Gulanê û her wiha gelek welatî li pêşiya AZC Plaza li Semta Ofîsa Amedê kom bûn û daxuyanî dan. Piştî daxuyaniyê jî belavok li gel hatin belavkirin û welatî û dikandaran vexmendin mitînga 1ê Gulanê.
‘Em gelê xwe vedixwînin mitînga 1ê Gulanê’
Hevseroka DEM Partiyê ya Amedê Gulşen Ozer di daxuyaniyê de diyar kir ku qada Taksîmê qada 1ê Gulanê ye û wiha axivî: “1ê Gulanê roja kedkaran e. Em ji ji gelê xwe re dibêjin, werin ji bo kedkaran, karkeran û siberoja zarok û jinan em cejna xwe pîroz bikin. Îro jî bi boneya 1ê Gulanê gelek kes li Stenbolê hatin binçavkirin. Em dixwazin binçavkirî hemû bên berdan.”
Endama Meclisa ESPê Beycan Taşkiran jî xwest ku yên ku îro bi hinceta dê 1ê Gulanê li Taksîmê pîroz bikin hatine binçavkirin û xwest binçavkirî bên berdan. Beycan Taşkiran da zanîn ku ew zext û zordariya li ser 1ê Gulanê qebûl nakin û xwest gel tev li mitînga li Qada Îstasyonê bibe.
Piştî axaftinan li kuçe û cadeyên li Ofîsê belavok li gel hatin belavkirin û welatî û dikandaran vexwendin mitîngê.
