Li paytexta Iraqê Bexdayê bazirgan û dikandaran li hemberî zêdekirina baca gumrikê, dikan û kargehên xwe girtin û dest bi çalakiyên nerazîbûnê kirin.
Li Bexdayê dikandar û bazirganan li dijî zema nû ya ser baca gumrikê dest bi çalakiyan kirin. Dikandaran dikanên xwe venekerin û bazar girtî man. Odeya Bazirganên Iraqê jî bi daxuyaniyekê bang li tevahî bazirgan û xwediyên kar kir ku tevlî greva giştî bibin û bazaran girtî bihêlin.
Li gorî xwepêşanderan baca nû bûye sedemê sistbûna kirîn û firotina kelûpelan û ji ber vê jî zirareke mezin ser bazaran çêkiriye. Xwepêşander diyar dikin heya rayedarên bi mijarê re pêwendîdar bersiva wan didin û çareseriyeke bibînin ew dê çalakiyên xwe bidomînin.
Dadgeha Bilind a Federal a Iraqê têkildarî giliyên li dijî zêdekirina baca nû ya gumrikê biryar da ku rayedar ser bihayê bacê bicivin û ji nû ve biryarê bidin.
