Li Çiyayê Gabarê ku bi lêgerîna petrolê her derê wê hatiyê kolandin, dîmenê birîna daran ku nû lê dest pê kiriye, derket holê. Di dîmenê ku ji aliyê welatiyekî/ê ve bi telefonê kişandiyê de xuya dike ku darên hatinê birîn li ser rê hatine komkirin.
Li Şirnexê xweza bi lêgerîna kanên madenê û birîna daran tê tunekirin. Li Çiyayên Cudî, Çiyayê Gabarê û li herêmên Besta, Çilnimêja, Komato û Qeşûran ji aliyê cerdevanan ve birîna daran berdewam dike. Ewlehiya cerdevanan jî leşker digirin. Li Çiyayê Gabar ku ji ber lêgerîna petrolê her derê wê hatiye kolandin li ser navê lêgerîna petrolê ji sala 2021an vir ve birîna daran lê berdewam dike. Herî dawî welatiyekî/ê bi telefonê xwe birîna daran tomar kiriye. Di dîmen de jî xuya dike ku bi hezaran darên hatine birîn li ser rê dane ser hev û ji bo firotinê bi traktoran dibin bajarên cuda.
Ji ber birîna daran herêma Şirnexê ber bi çolbûnê ve diçe. Tevî ku saz û dezgeh li li dijî birîna daran radibin û nerazîbûn nîşan didin jî lê talan didome. Platforma Ekolojiyê ya Mezopotamyayê, Baroya Şirnexê û welatiyên Şirnexê gelek caran giliyê birîna daran kirin, lê heta niha jî Miduriyeta Daristanan a Şirnexê li dijî birîna daran bê deng maye.
