Li navçeya Cizîrê bekçiyan ewil gef li ciwanan xwar, piştre êrîş kir û 4 ciwan binçav kirin.
Li navçeya Cizîr a Şirnexê li gor agahiyên hatine stendin li parqa ber Çemê Dîcleyê di navbera ciwanên li parqê rûniştibûn û bekçiyan de nîqaş derket. Piştî niqaşê bekçiyan gef li ciwanan xwar û li ser vê yekê di navbera ciwan û bekçiyan de geşedan derket û bekçiyan êrîşî ciwanan kir.
Li gel ku bi hezaran welatî û malbatên xwedî zarok li parqê rûniştîbûn jî bekçiyan çekên xwe bikar anîn û gule berdan hewa. Piştî gule berdanê gelek tîmên polîsan hatin cihê bûyerê û 4 ciwan binçav kirin. Ciwanên ku hatin binçavkirin birin Midûriyeta Polîsan a Cizîrê.
Welatiyên ku li parqê rûniştîbûn bertek nîşanî pêkanînên bekçiyan da.
