Li navçeya Elkê wesayîteke girêdayî Şîrketa Anonîm ya Navneteweyî ya Petrolên Tirkiyeyê qeza kir û gêrbû Çemê Xabûrê. Di encama qezayê de 3 kes birîndar bûn.
Wesayîta aydê Şîrketa Anonîm ya Navneteweyî ya Petrolên Tirkiyeyê (TPIC) ku girêdayî Şirîkatiya Anonîm a Petrola Tirkiyeyê (TPAO) li herêma Komate ya navçeya Elkê ya Şirnexê li devereke 3-4 kîlometreyan nêzî gundê Bêrmanê yê Elkê qeza kir û gêrbû Çemê Xabûrê. Wesayît dema ber bi navçeya Elkê ve diçû ji bilindahiya 25 mîtroyan gêrbû xwarê û di encama qezayê de sê kes bi awayekî sivik birîndar bûn. Kesekî ku bi derfetên xwe ji wesayîtê derket, çû ser rê û alîkarî ji welatiyên derdorê xwest. Li ser vê yekê tîmên tenduristiyê û cendermeyan sewqî cihê bûyerê hatin kirin. Her du kesên din ên birîndar jî ji wesayîta ku ketiye hatin derxistin. Tîmên tenduristiyê yên ji navçeyên Elkê û Qilebanê hatin cihê bûyerê, her sê kesên birîndar birin Nexweşxaneya Dewletê ya Qilebanê.
Li gorî agahiyên hatin bidestxistin rewşa her sê kesên ku di qezayê de birîndar bûne baş e.
