Platforma Ekolojiyê ya Şirnexê li dijî qirkirina xwezayê li Qada Komarê standa îmze komkirinê vekir.
Platforma Ekolojiyê ya Şirnex ji bo li hember qirkirina xwezaya Botanê bertek nîşan bide li Qada Komarê bi banga, ‘Talana xwezayê qirkirina jiyanê ye.’ standa îmzeyan vekir. Parlementerên DEM Partiyê Newroz Ûysal Aslan û Mehmet Zekî Îrmez, Berdevka Meclîsa Jinê DBPê Berîvan Bahçeçî û rêveber û endamên DEM Partiyê û DBPê yên Şirnex ji bo piştgiriyê bidin kampanyayê bi girseyî çûn serdana standê.
Standa îmzeyan ê 10 rojan li navenda Şirnex û navçeyên wê li qadên cuda were danîn û îmzeyên werin komkirin ê ji bo Walitiya Şirnexê û Gerînendeya Karên Daristanê ya Şirnex werin şandin.
