Li bajarê Qamişlo 2 koçberên ku ji ber êrîşên çeteyên HTŞê koçî Qamişlo kiribûn ji ber sermayê jiyana xwe ji dest dan.
Bi hezaran koçberên ku ji ber êrişên komên çete yên girêdayî hikûmeta demkî ya Suriyeyê û dewleta Tirk, ji Reqa û Tebqayê hatin bajarê Qamişlo, niha jî li dijî serma û şertên zehmet têdikoşin.
Li gorî Ajansa Nûçeyan a Hawarê (ANHA), duh zarokekî bi navê Nasir Cemal ê 17 salî û îro jî jina bi navê Zehîde Menan Reşo, ji ber sermayê jiyana xwe ji dest dan. Cenazeyên herdu koçberan li goristana taxa Hilêliyê ya Qamişloyê hatin binaxkirin.
Digel alîkariyan jî rewşa koçberan ne başe
Weke tê zanîn piştî êrîşên çeteyên HTŞê li ser Reqa û Tebqayê gelek şêniyên van bajaran aware bibûn û xwe spartibûn Qamişlo. Rêveberiya bajar li gorî derfetên xwe koçberan bicîh dike û alîkariyê belav dike. Her wiha alîkariyên ku ji Başûrê Kurdistanê gihîştiye Qamişlo li koçberan tên belavkirin. Lê ji ber ku hejmara koçberan zêde ye û sermayek dijwar heye bûyerên bi êş tên jiyandin.
