Hozan Hemîdo yê ku di sala 1993an ji aliyê hêzên dewletê yên tarî ve hatibû qetilkirin, li Qoserê hat bîranîn.
Li navçeya Qoser a Mêrdînê ji aliyê Komeleya Çand û Huner a Mezopotamyayê ve bo tevilbûna xebatkarên komeleyê, endam û rêveberên partiyên siyasî, endamên saziyên civaka sivîl û gelek welatiyan ve Hozan Hemîdo (Hamid Gezginci) ku 27ê îlona 1993yan ji aliyê hêzên tarî yên dewletê ve hatibû qetilkirin, hat bîranîn.
Di bîranînê sînevîzyonek ku li ser jiyana Hozan Hemîdo hatibû amadekirin, hat pêşandan. Piştî pêşandana sînevîzyonê birayê Hozan Hemîdo, Îbrahîm Gezgîncî û hevalê wî Mehdî Aslan li ser xebatên wî yên ji bo çand û hunera kurdî axaftin kirin.
Bîranîn bi guhdarkirina stranên Hozan Hemîdo bi dawî bû.
