Li Reqayê eşîrên Ereb şevê din bîrên petrolên yên Hikûmeta Demkî ya Sûriyê şewitandin û îro jî bi xwepêşandanekê destdanîna ser bîran a ji hêla Hikûmeta Şamê ve şermezar kirin.
Piştî vekişiyana HSDê rageşiya di navbera eşîrên Ereb û hêzên Hikûmeta Demkî ya Sûriyê de zêde dibe. Eşîrên Ereb ku di dema Rêveberiya Xweser de xwe bi rêve dibirin û ji çavkaniyên herêmê sûd werdigirtin, piştî destdanîna Hikûmeta Demkî ya Sûriyê ya li ser bîrên petrolê ji vê derfetê bêpar man. Eşîrên Ereb ku ji vê reşwê gelek acizin dixwazin ku Hikûmeta Demkî çavkaniyên herêmî bi wan re parve bike.
Bîrên petrolê weşitandin
Ji ber ku Hikûmeta Demkî daxwaza parvekirina çavkaniyan a eşîran red kir, gengaşiyê di navbera her du aliyan de destpê kir. Demek e komên eşîran bi şev êrişî zeviyên bîrên petrolê lê hene dikin. Şevê din jî bîrên petrolê ji hêla komên eşîran ve hatin şewitandin. Li gorî çavkaniyên herêmî şewata şevê din destpêkirî hêj berdewam dike.
Şam protestokirin
Eşîran li Reqayê bi armanca şermezarkirina polîtîkayên navendî yên Şamê xwepêşandan li dar xistin. Komek endamên eşîran pankarta ku parê ji petrolê dixwazin vekir û sloganên Şamê şermezar dikin berz kirin. Di dema xwepêşandanê de di navbera hêzên Hikûmeta Demkî û eşiran de rageşî derket.
