Li taxên Şêxmeqsûd û Eşrefiyê yên Helebê bi sedan jin meşiyan û berxwedana YPJê ya li dijî êrişên Tirkiyeyê silav kirin.
Kongra Star a taxên Şêxmeqsûd û Eşrefiyê yên bajarê Helebê bi dirûşma “Yekitiya jinên Sûriyeyê misogerkirina felsefeya Jin Jiyan Azadî ye” meşek li dar xist. Di meşa ku ji pêşiya qada 8ê Adarê dest pê kir de, bi sedan jinên beşdar bûn. Beşdaran pankartên “Jin Jiyan Azadî” bilind kirin û berxwedana Yekîneyên Parastina Jin (YPJ) ya li hemberî êrişên Tirkiyeyê û çeteyan, silav kir. Li Çerxerêya Çehîd Gulê Selmo ya taxa Şêxmeqsûd endama Koordînasyona Kongra Star a Helebê Fehîme Hemo axivî. Fehîme Hemo axivî û soza şopandina rêça kesên jiyana xwe ji dest dane dubare kir û bang li hemû jinan kir ku ji bo parastina destkeftiyên azadî, demokrasî û pirrengiyê di serî de destkeftiyên jinên Sûriyeyê yekitiyê ava bikin û pêşeroja Sûriyeya nû misoger bikin.
