Di çerçoveya “Civînên Aştî û Civaka Demokratîk” de li Şirnex û navçeyên Cizîr, Hezex û Qilebanê civînên gel hatin lidarxistin.
Tevgera Jinên Azad (TJA), Partiya Herêmên Demokratik (DBP) û Partiya Wekhevî û Demokrasiyê ya Gelan (DEM Partî), tekildarî banga Aştî û Civaka Demokratîk a Rêberê Gelê Kurd Abdullah Ocalan li bajarên bakurê Kurdistanê û Tirkiyeyê civînên gel dan destpêkirin. Di çerçoveya civînan de li navçeyên Qileban, Cizîr û Hezexê û navenda Şirnexê civînên gel a Aştî û Civaka Demokratîk hatin lidarxistin.
Di çerçoveya civînan de li gundê Avgamasya ya Şirnexê, taxa Cûdî ya Cizîrê, navenda Qilebanê, taxa Azad a Hezexê civînên gel hatin lidarxistin. Di civînan de li ser pêvajoyê û nêrînên Rêberê Gelê Kurd Abdullah Ocalan a li ser pêvajoyê nivîs hat xwendin. Welatiyan jî pirsên meraq dikirin ji dîwanê pirsin û li ser pêvajoyê nirxandin hatin kirin.
