Di serdegirtinên malan ên li Stenbolê de gelek kes hatin binçavkirin.
Çalakiyên ji bo protestokirina girtina Serokê Şaredariya Bajarê Mezin a Stenbolê Ekrem Îmamoglû berdewam dikin. Li aliyê din serdegirtinên malan jî didomin. Vê şeveqê polîsan li Stenbolê bi ser gelek malan de girtin. Di serdegirtinên malan de gelek kes hatin binçavkirin. Endama Rêveberiya Navendî ya SOL Partiyê parêzer Denîz Demîrdogan jî li ser hesabê xwe ya medyaya dijîtal ragihand ku hatiye binçavkirin.
Hat zanîn ku welatî bi hinceta “Muxalefeta li dijî qanûna civîn û xwepêşandanan” hatine binçavkirin û ew birine Midûriyeta Polîsan a Stenbolê.
