Bernameya bîranînê ya ji bo ji damezrîner û pêşengên PKKê Alî Haydar Kaytan û Riza Altûn ku li taxa Tûzlûçayira Enqereyê hatibû destpêkirin di roja duyemîn de didome.
Partiya Karkerên Kurdistan (PKK), duh encama kongreya xwe ya 12emîn eşkere kiribû û ragihandibû ku xwe fesix kiriye. Her wiha di kongrê de şehadeta damezrîner û pêşengên PKKê Alî Haydar Kaytan û Riza Altun jî hatibû ragihandin. Kongre diyarî wan hatiye kirin. Piştî eşkerekirina şehadeta Alî Haydar Kaytan û Riza Altûn li gelek bajarên bakurê Kurdistanê û Tirkiyeyê bernameya bîranînê dê bên lidarxistin. Yek jî ji cihê bernameya bîranînê hatiyê li darxistin taxa Riza Altun ku lê mezin bûye, li taxa Tûzlûçayira navçeya Mamakê ya Enqerê ye.
Bîranîna ji bo Alî Haydar Kaytan û Riza Altûn li mala Riza Altûn lê mezin bûyî ya li Taxa Tûzlûçayirê di roja duyemîn de didome. Wêneyên her du şoreşgerên Kurdistanê daliqandî ne û her wiha danîne ser maseyê. Xwişkên Riza Altûn, Nûrhayat Altûn û Bezar Altûn û xwişka Alî Haydar Kaytan, Gulluşan Kandemîr kesên tên serdanê pêşwazî dikin. Gelek kes tên serdanê û ji malbatan re sersaxî dixwazin. Hevserokê Giştî yê DBPê Keskîn Bayindir jî hat serdanê û ji malbatê re sersaxî xwest.
Di şînê de qala bîranîn û têkoşîna Kaytan û Altûn tên kirin û welatiyên tên serdana sersaxiyê di lênûska bîranînê de jî hest û ramanên xwe dinivisînin.
Bîranîn wê heta sibê berdewam bike.
