Li Wanê di çalakiya ku ji bo rojnameger Nazîm Daştan û Cîhan Bîlgîn ên ji aliyê balafirên bêmirov ên Tirk ve hatin qetilkirin de gelek rojnamevan hatibûn binçavkirin. 4 ji wan rojnamegerên hatibûn binçavkirin bi îdiaya “propagandaya rêxistinê kirin e” îfade dan.
Li Wanê 20ê Kanûna 2024an de di çalakiya ku ji bo rojnameger Nazîm Daştan û Cîhan Bîlgîn ên ji aliyê balafirên bêmirov ên Tirk (SÎHA) ve hatin qetilkirin de gelek rojnameger hatibûn binçavkirin. Midûriyeta Polîsan a Wanê 4 ji wan rojnamegerên hatibûn binçavkirin bi îdiaya “propagandaya rêxistinê kirin e” gazî wan hat kirin ku biçin îfadeyê bidin.
Nûçegihanên Ajansa Mezopotamyayê (MA) Rûken Polat, Ozlem Yacan û Mazlûm Engîndenîz û nûçegihana JINNEWSê Memîhan Zeydan ku derbarê wan de lêpirsîn hatiye destpêkirin, ji bo îfade bidin li gel parêzerên xwe çûn Şaxa Têkoşîna Dijî Terorê (TEM) ya Midûriyeta Polîsan a Wanê. Rojnamegeran bi îdiaya “Propagandaya rêxistinê kirin e” îfade dan polîsan.
Ji rojnamegeran pirsên weke “We talîmata daxuyaniyê ji kê girt? Çima we pankartên Nazim Daştan û Cîhan Bîlgîn hilgirtin?” hatin kirin. Rojnamegeran bersiva pirsan dan û diyar kirin ku wan xwestiye bi mafên xwe yên bingehîn daxuyaniyê bidin û dowîzên bi wêneyên rojnamegerên hatine qetilkirin weke sûc neyê dîtin.,
