Fermandarê Giştî yê HSDê Mazlûm Ebdî got; “Hevdîtin hevkariya me ya hevbeş xurt dike û pabendbûna me ji bo avakirina têkiliyek xurt û berhemdar nîşan dide.”
Fermandarê Giştî yê Hêzên Sûriyeya Demokratîk (HSD) Mazlûm têkildarî hevdîtina xwe ya bi Serokê YNKê Bafil Talabanî û Nûnerê Taybet yê Serokê DYAyê yê Sûriye û Iraqê Tom Barrack li ser hesabê xwe yê Xê peyamek weşand.
Di peyama xwe de Mazlûm Ebdî got; “Hevdîtina min a bi Bafil Talabanî re pabendbûna me ya ji bo avakirina têkiliyeke xurt nîşan dide û hevkariya me ya hevbeş xurt dike. Di hevdîtina me ya bi Barak re de, me li ser xebata hevbeş ji bo çareserkirina pirsgirêkên ku gelê Sûriyeyê pê re rûbirû ye nîqaş kir.”
Her wisa di peyame xwe de Mazlûm Ebdî wiha got; “Em keyfxweş bûn ku me bi Serokê YNKê Bafil Talabanî re hevdîtinek berhemdar û kêrhatî pêk anîn. Ji bo gelê xwe, em girîngiyê didin hevkarî û xebata bi hev re ji bo bidestxistina pêşerojek baştir. Ev hevdîtin hevkariya me ya hevbeş xurt dike û pabendbûna me ji bo avakirina têkiliyek xurt û berhemdar nîşan dide.”
Her wisa Fermandarê Giştî yê HSDê Mazlûm Ebdî di peyama xwe de bal kişand ser hevdîtina xwe ya bi Nûnerê Taybet yê Serokê DYAyê yê Sûriye û Iraqê Tom Barrack re û di vê derbarê de wiha hate gotin; “Em bi Nûnerê Taybet yê Serokê DYAyê yê Sûriyeyê Tom Barrack re civiyan da ku li ser geşedanên dawî yên li herêmê nîqaş bikin. Civînê derfetek da ku em li ser rêbazên xurtkirina aramî û ewlehiyê li herêmê nêrînên xwe biguherînin û bi hev re ji bo çareserkirina pirsgirêkên ku gelê Sûriyeyê pê re rûbirû ye bixebitin.”
