Navenda Nûçeyan – Meclisa Gelan a Demokratîk bi rojeva nirxandina rewşên dawî û tedbîran, bi awayekî awarte civiya. Di civînê gelek biryarên girîng girtin.
Meclisa Gelan a Demokratîk a Rêveberiya Xweseriya Demokratîk a Herêma Bakur û Rojhilatê Sûriyeyê îro li ser geşedanên li Suriyeyê û bandora wan a li ser Herêma Bakûr û Rojhilatê Suriyeyê bi awayekî awarte civiya. Li gorî agahiyên ku li ser malpera Rêveberiya Xweser hatine weşandin, di civînê de geşedanên li herêmê hatin nirxandin û şêwazê pêkanîna seferberiya giştî ya Rêveberiya Xweser hat plansazîkirin. Di encama nirxandinan de biryarên li jêr hatine girtin:
-Divê di pêkanîna seferberiya giştî de, piştgiriya Hêzên Sûriyeya Demokratîk (HSD) were kirin.
– Ji bo şîrovekirina geşedanên siyasî û balkişandina ser şerê taybet ê li dijî Herêma Bakûr û Rojhilatê Sûriyeyê, divê civînên girseyî werin li darxistin.
– Divê li hemberî her êrişeke muhtemel a li ser Herêma Bakûr û Rojhilatê Sûriyeyê, amadekarî werin kirin.
– Divê li hemû bajarok, bajar û kantonên herêmê komîteyên rewşa awarte werin avakirin.
– Li bajarok, bajar û kantonan komîteyên parastinê yên HPCê werin bihêzkirin û piştgirîkirin.
– Li deriyên sînor aktîfkirina komîteyên awarte yên ji bo pêşwazîkirina penaberên ji deverên din ên Suriyeyê.
