Meclisa Jinan a Partiya Sûriya Pêşerojê xebatên xwe yên 6 mehan nirxandin û plansaziyek berfireh ji bo xurtkirina rola jinan di qonaxa bê de, danî.
Meclisa Jinan a Partiya Sûriya Pêşerojê civîna xwe ya nîvê salê li hola civînan a navenda partiyê ya bajarê Reqayê organîze kir. Di civînê de xebatên 6 mehên dawîn hatin nirxandin û li ser zehmetiyên ku derketine pêş karê wan nîqaş hatin kirin. Her wiha di civînê de planên paşerojê yên meclisê hatin diyarkirin.
Di civînê de endam û rêveberên komîteyên meclisê yên ji tevahî herêmên Bakur û Rojhilatê Sûriyeyê û nûnerên ji hundirê Sûriyeyê amade bûn.
Civîn bi deqeyeke rêzgirtinê dest pê kir û dûre berdevka Meclisa Jinan a Giştî Fatme El Elî li ser geşedanên siyasî û leşkerî yên li ser asta herêmî û navneteweyî nirxandin kir.
Fatme diyar kir ku destpêka salê gelek guhertinên siyasî yên giran, digel vegera siyaseta aşkera ya hegemoniyê û ferzkirina yekqutbî, pêk hatin. Fatme destnîşan kir ku bi vegera Trump li Koşa Spî re pê re hewldanên jinûve dizaynkirina pergala globalî jî hatin. Ev nîşan dide ku dosyayên mezin, di nav de jî dosyaya Sûriyeyê, hene.
Di civînê de zehmetiyên ku li pêşiya xebatên rêxistinî û siyasî yên meclisê derketine nîqaş hatin kirin. Piştre civîn li ber dezgehên ragihandinê girtî dewam kir.
Di dawiya civînê de berdevka meclisê Fatme El Elî plansazî û encamname aşkera kirin û wiha ne:
Ji bo xurtkirina jinan di aliyên siyasî, civakî û rêveberî de, panel û komxebatên zêde werin werin lidarxistin.
Yekkirina hewldanên jinan di hemû aliyan de wekî hêzeke aktîvdi civakê de.
Xebata dîplomasî û têkiliyên bi tevgerên jinan ên hundir û derveyî Sûriyeyê re werin bipêşxistin.
Piştgirî û bihêzkirina jinan ciwan were kirin ku hêza pêşeng a paşerojê ye
Berfirehkirina bingeha jinan a partiyê bi zêdekirina hejmara endamên jin ji tax û komînan.
Aktîvkirina rola endamên meclisê di rêveberî û saziyên giştî de.
Destpêkirina dewreyên perwerdê yên bîrdozî yên jinan û amadekirina kadroyên jin ên pêşeng ji bo qonaxa bê.
Xurtkirina rola ragihandinê di pênasekirina xebata Meclisa Jinan û rola jinan bi giştî.
Ji bo xurtkirina têkilî û rêxistinê, di hundirê her kantonekê de serdan û civîn werin zêdekirin.
