Merasîma ji bo definkirina cenazeyê Fermandar Nûreddîn Sofî bi toraneke leşkerî dest pê kir.
Ji bajarê Dêrikê heta Kobanê bi hezaran kes beşdarî merasîmêa ji bo definkirina yek ji pêşengê Şoreşa Rojava Nûreddîn Sofî ku li Stada Şehîdên 12ê Adarê ya li bajarê Qamişlo tê lidarxistin, bûn.
Di merasîmê de fermandarên Yekîneyê Parastina Gel (YPG), Yekîneyên Parastina Jin (YPJ) û Hêzên Sûriyeya Demokratîk (HSD) û Hevserok û nûnerên Rêveberiya Xweser amade bûn.
Welatî, jin, ciwan û dayik bi rakirina wêneyên Fermandar Nûreddîn Sofî derbasî cihê merasîmê bûn. Li kêlek wê bi dehan dezgehên çapemaniyê li qada merasîmê amade bûn.
Merasîm bi toraneke leşkerî ji aliyê YPG, YPJ û HSDê ve dest pê kir.
