Platforma Ciwanên Welatparêz piştî meşê daxuyanî da. Di daxuyaniyê de wiha hate gotin: “Em ê bi Rêber Apo re bijîn û heya azadiya fîzîkî ya Rêber Apo bênavber têbikoşin.”
Platforma Ciwanên Welatparêz ji bo azadiya Rêberê Gelê Kurd Abdullah Ocalan, bi diruşmeya “Bi Rêberê azadiyê ber bi jiyana azad ve” li Amedê meşiyan û piştî meşê daxuyanî da çapemeniyê. Di daxuyaniyê de parlamenterên Partiya Wekhevî û Demokrasiyê ya Gelan (DEM Partî), Partiya Herêmên Demokratîk (DBP), Tevgera Jinên Azad (TJA), Dayîkên Aştiyê, Komeleya 78an, saziyên civaka sivîl û xwendekarên Zaningeha Dîcleyê ya Amedê beşdarî daxuyaniyê bûn. Metna çapemeniyê ji aliyê xwendekara zaningehê Medya Aslan ve hat xwendin. Dirûşmeyên weke “Bijî Serok Apo”, “Bê Serok jiyan nabe”, “PKK gel e gel li vir e”, “Jin Jiyan Azadî” û “Ciwan fedaiyên Rêber Apo ne” ji aliyê girseyê ve hatin birzkirin. Piştî daxuyaniyê ciwanên welatparêz çalakiya rûniştinê dan destpêkirin.
Daxuyaniya Platforma Ciwanên Welatparêz wiha ye:
“Îro ev dengê ku li dilê Amed ê olan dide ne tenê dengê ciwana ye. Ev deng di heman demê de dengê Rêber Apo ye. Yê ku hemû jiyana wî ji bo azadiya gelan di nav têkoşîne de derbas bûye. Rêber Apo, li dijî zilmê berxwedanê mezin dike. Li dijî înkarê jiyana hevpar a gelan diparêze. Di tarîtiya şer de rêya aştiyê nîşan dide. Em di pêvajoyeke pir giring de ne. Rêber Apo bi bangezawiya xwe ya dîrokî ‘Aşitî û Civaka Demokratîk’ ve ji bo tevahî gelan derfeta azadiyê avakir. Ev bangewazî di nav gelan de hêviyeke mezin avakir. Rêber Apo 27 sal in di nav pergala îşkencê ya Îmralîyê de dijî. Di nav van şert û mercên giran de ji bo milyonan nefeseke azad afirand. Bi xwestek û bangeziyên Rêber Apo re Tevgera Azadîyê gavên pir şênber avêtin. Beranberê vê rastiyê ji aliyê dewleta Tirk ve tu gavek nehat avêtin. Tenê komîsyonek hatiye avakirin lê divê ev komîsyon di destpêkê de bi Rêber Apo re hevdîtin pêk bianîya. Ji ber ku pêvajo bi însiyatîfa Rêber Apo re hat destpêkirin û muxatabê esasî jî ew bi xwe ye. Lê hê jî komîsyon Rêber Apo guhdar nekiriye. Nêzikatiya dewleta Tirk di nav civakê de bêbaweriyeke li bêranberê pêvajoyê ava dike. Li komîsyonê axaftinên dayîken me yên zimanê Kurdî hat qutkirin. Em wek zarokên wan dayîkan ji we dipirsin, eger hûn bi vî awayî zimanê me înkar bikin em ê çawa bibin xwişk û bira?
‘Rêya diyalog û çareseriyê vedike’
Ger ku rewş wisa be wê demê ev komîsyon wê çawa mafê gelê Kurd biparêze? Û çawa zagonên Entegrasyonê yên Demokratîk û Azadiyê derbixe? Ev rastî tenê serê xwe nakokiyeke mezin e. Ya herî girîng Rêber Apo hê jî di nav tecrîteke giran de ye. Heta Rêber Apo azad nebe, Gelên Rojhilata Navîn nikarin jiyaneke bi aram bijîn. Ew dengê ku ji Îmraliyê bilind dibe, rêya çareşerî û diyalogê vedike. Rêya jiyana hevpar a gelan û aştiya rasteqîn nîşanê me dide. Van rojên dawî li meclîsê ji aliyê bermahiyên faşîzmê yên bê hed êrişên bêexlaq li dijî Rêber Apo û endama heyeta Îmraliyê pêk tên. Tu kes nikare li ser îradeya milyonan bi hêsanî biaxive û êriş pêk bîne. Erişên bi vî awayî netehemmûlkirina aşitiyê ye. Tu hêz nikare dengê aşitiyê qut bike. Rista heyeta Îmraliyê rista herî dîrokî ya bi rumet e.
‘Em ne alîgirên înkar û zoredestiyê ne’
Girtin û binçavkirin jî dirûtiyên vê pêvajoyê ne. Duh di saetên serê sibehê de li Wanê bi operasyonekê 15 hevalên me hatin binçavkirin. Li Stenbolê hevalên me hatin astengkirin. Ciwanên Welatparêz li dijî van êrişan tu carî serî netewand. Em li vê derê ne. Em ne alîgirê înkar û zordestiyê ne, alîgirê nasnameyên azad û jiyana demokratîk in. Û em dibêjin; ev meş ne tenê çalakîyek e. Sozek e. Îradeyek û bangewaziyek e. Em ê bi vê îradeyê pêvajoya demokratîk a ku bi pêşengtiya Rêber Apo pêş dikeve mezin bikin. Em ê bi van gavan, azadiya Rêber Apo ya fîzîkî bînin. Azadiya Rêber Apo mifteya aştî û çareseriyê ye. Ne tenê şêxsek e, wijdan û aqlê hevpar ê gelekî ye û hêza çareseriyê ye. Em careke din bang dikin, deriyên Îmraliyê vekin. Ger ku Rêber Apo azad bibe, aşitî di van axan de dê zîl bide. Dîtîna Rêber Apo ya li ser Sûrên Amedê xeyalên bi salan e. Dibe ku îro Rêber Apo wekî fîzîkî di nav me de nîne lê bi fikr û ramanên xwe li vê derê ye. Em ê xeyalên bi salan pêk bînin. Em ê bi Rêber Apo re bijîn û heya azadiya fîzîkî ya Rêber Apo bênavber têbikoşin.”
