Navenda Mûzîkê ya Şinriwê ku li Helebceyê karê hunerê dike tevî deynên giran ên saziyê li beşeke Navenda Rayelê karê hunerî dike.
Navenda Mûzîkê ya Şinriwê sala 2017’an li Helebce hatiye damezirandin. Ji roja ava bûye heta niha xort û jinên ciwan yên li Helebceyê berê xwe didin wir û fêrî estûrmanên mûzîkê dibin. Niha jî komeke 20 kesî ku xwe fêrî dikin heye. Kesên li vê derê hînî ensturumanan dibin tev li merasîm û şahiyên taybet ên herêmê dibin.
Berpirsê Navenda Mûzîkê ya Şinriwê Adil Hesen ji Ajansa Nûçeyan a ROJNEWSê re axivî û diyar kir ku sala 2017’an navenda wan hatiye avakirin û got: “Ji roja navenda me hatî avakirin heta niha nêzî 150 kes hatine tevlî koma me bûne û xwe fêrî karê hunerê kiriye. Niha jî komeke me ya nû ji 20 kesî pêk tê heye. Piranî jî ev ji pêkhateya Kakayî ne. Ev yek jî nîşaneya ku bihevre jiyîna pêkhateyên herêmê ya ji dîrokê destnîşan dike.”
Adil Hesen destnîşan kir ku hemû bajarek bi hunera xwe tê nasîn û heta li cîhanê jî wiha ye û wiha domand: “Ciwanên Helebceyî jî dikarin cihê xwe di vê beşê de bigirin. Hêviya me ewe em bajarê xwe pêş bixin.Hunera muzîkê daxwazên gelek welatiyên Helebceyê ne. Dixwazin bajar bigihînin salên heftêyan. Salên heftêyan di warê hunerê de li asta herî bilind bû. Niha jî li beşeke ya navenda Rayel karê xwe yên hunerî dikiin. Me dixwest navenda me weke xwe bimabûna û me karê xwe lê kiriba. Mixabin me nekarî heqê wê yê kirê pêşwazî bikira. Niha jî deyneke mezin yê wê li ser me ye û nikarin bidin.”
