Li Navçeya Akdenîzê ya Mêrsînê welatiyên ku i bo Newrozê ber bi Qada Mîtîngê ya Tirmilê ve herikîn, dest bi pîrozbahiyê kirin. Bi deh hezaran welatî li qadê kom bûn û bi dirûşmeyan govendê digerînin.
Li Mêrsînê Newroz bi dirûşmeyên “Rêbertiya Azad Civaka Demokratîk” û “Ji bo azadiyê civaka demokratîk” li Qada Mîtîngê ya Tirmilê tê pîrozkirin. Coşa Newrozê danê sibehê zû dest pê kir. Welatî danê sibehê zû ji bo beşdarî prîozbahiyê bibin, herikîn qadê. Girse bi dirûşmeya “Bijî Serok Apo” herikî qadê. Welatî, di 2 nuqteyên cuda re derbasî qadê bûn. Welatî, bi nîşaneya serkeftinê, çepik û tilîliyan û bi dirûşmeya “Bijî Serok Apo” û “Bijî berxwedana zindanan” ketin qadê. Welatiyên ketin qadê, govendê digerînin û dirûşmeyan berz dikin. Ciwan jî li ber def û zrneyê govend gerandin û tim dirûşmeya “Bijî Serok Apo” û “Em ê bi berxwedanê bi ser bikevin” Newrozê pîroz dikin. Gelek kes bi kincên kurdî tevlî pîrozbahiyê bûn. Pîrozbahiya Newrozê li qadê bi coşeke mezin, govend û dirûşmeyan berdewam dike. Newroz bi stran û axaftinan berdewam dike.
Pîrozbahiyê bi rêzgirtinê û vêxistina agirê Newrozê dest pê kir.
