Nobeta li pêş Şaredariya Bajarê Mezin a Wanê ku li dijî hewldana tayînkirina qeyûm dane destpêkirin, bi coşeke mezin didome.
Dadgehê 3 sal û 9 meh cezayê hepsê li Hevşaredarê Bajarê Mezin ê Wanê Abdullah Zeydan birî. Piştî dadgehê ceza birî, gel li dijî hewldana tayînkirina qeyûm, dest bi nobetê kirin. Nobeta li ber Şaredariya Bajarê Mezin a Wanê bi coşeke mezin didome. Rayedarên şaredariyê danê êvarê li ser xwesteka gel li ber şaredariyê kon vedan. Gelê ku li ber şaredariyê kom bûn, di hindirê konê de û li ber derî agir vêxistin û bi govend û dirûşman nobetê dest bi nobet girtinê kirin. Kombûna gel ya li ber şaredariyê saet bi saetê zêdetir dibe. Hevşaredarên ku ji serê sibê ve di nava gel de ne yek saniyê jî li cem gel neçûn û bi gel re govend gerandin.
Parlementer û rêveberên Partiya Wekhevî û Demokrasiyê ya Gelan (DEM Partî) yên Wanê jî li qehwe û cafeyan gel vexwendin daxuyaniya ku dê sibê li ber şaredariyê bi tevlibûna Hevseroka Giştî ya Partiya Herêmên Demokratîk (DBP) Çîgdem Kiliçgun Ûçar û Hevseroka Giştî ya DEM Partiyê Tulay Hatîmogullari pêk bê.
Tê payîn ku wê nobet heta serê sibê bidome.
