Nûredîn Îsa Ehmed ê bi navê “Ebû Omer Xanîka” tê naskirin ji bo parêzgeriyê Hesekê hat tayînkirin. Nûredîn Ehmed wê îro li bajarê Hesekê li gel Çerxeriya Kevokê saet 6 bê pêşwazîkirin.
Nûredîn Îsa Ehmed ê bi navê Ebû Omer Xanîka tê naskirin wek parêzgerê Hesekê hat tayînkirin. Wê çend kêliyên din li Çerxeriya Kevokê ya bajarê Hesekê saet 6 ji hêla gel vê bê pêşwazîkirin.
Nûredîn Îsa Ehmed kî ye?
Nûredîn Îsa Ehmed di sala 1969an de li Qamişloyê ji dayik bûye, dîplomata endazyariya mekanîk û elektrîkê ji Zanîngeha Şamê wergirtiye. Ji sala 1993ˊan heta 2012ˊan wekî endazyar di Gerînendetiya Têl û Bêtêlê ya Hesekê û Qamişlolyê de xebitiye. Piştî destpêkirina şoreşa Sûriyeyê ji ber beşdarbûna wî di xwepêşandanên li dijî rejîma Baasê de û ji aliyê dezgehên ewlehiyê yên rejîmê ve dihat xwestin, ji karê xwe hate bidûrxistin.
Ji wê demê ve, Nûredîn Ehmed di warê leşkerî û parastina herêmê de beşdar bûye, di pileya leşkerî de bilind bûye, di Cotmeha 2011an dema damezrandina Hêzên Sûriya Demokratîk (HSD) de, berpirsiyariya têkiliyên giştî girtiye û endamê Fermandariya Giştî ya HSDê jî bûye.
Di van kêliyan de xelkê bajarê Hesekê li gel Çerxerêya Kevokê kom bûye, ji bo parêzger Nûredîn Ehmed ê piştî lihevkirina HSDê û hikûmeta demkî hat tayînkirin, pêşwazî bike.
