Xebatkara Çapemeniya Azad Rabîa Onver di salvegera kuştina Nagîhan Akarsel de wê bi bîr anî û got: “Heval Nagîhan jinek wêrek bû. Ji ber vê yekê qetilkirina wê ji bo dewleta Tirk bibû armanca sereke. Wek rojnamegerên Kurd em dibêjin pênûsa me û rêya me jî şehîdên me ne.”
Rojnamevan û nivîskar Nagîhan Akarsel di sala 2022yan de li bajarê Silêmaniyê yê Başûrê Kurdistanê hate kuştin. Xebatkara Çapemeniya Azad a Jinnewsê Rabîa Oner têkildarî 3yemîn salvegera kuştina Nagîhan Akarsel ji Ajansa Welat (AW) re axivî.
‘Em ê her tim xwedî li heval Nagîhan derkevin’
Xebatkara Jinnewsê Rabia Oner Nagîhan, Nagîhan Akarsel bi bîr anî û anî ziman ku ew ê mîrateya Nagîhan Akarsel timî bişopînin û berdewama axaftina xwe de wiha got: “Heval Nagîhan cihê wê ji bo me girîng e em li ser şopa heval Nagîhan dimeşin. Heval Nagîhan jinek baş bû, jinek wêrek bû û li Tirkiye û Kurdistanê dihat naskirin. Min heval rû bi rû nas nekir lê tevahiyê cîhanê wê nas dikir û me jî wisa wê nas kir. Xeyalê heval Nagîhan zêdebûn û hebûn. Em jî weke rojnamegerên jinên Kurd dibêjin ku em ê heval Nagîhanê bigihîjînin xeyalên wî, em ê her tim xwedî heval Nagîhan derkevin. Em rojnamegerên jin li ser şopa Nagîhan Akarsel dimeşin.”
‘Şehîdên xwe nas bikin’
Rabia Oner di dawiya axaftina xwe de behsa kuştina Nagîhan Akarsel kir û diyar kir ku dewlet bi rojnamegerên Kurd dike hedef digire, dikuje û davêje girtîgehê. Rabîa Oner axaftina xwe de domand: “Di şexsê heval Nagîhan de şehîdên çapemeniya azad jî bîr tînim. Wekî tê zanîn ku li ser çapemeniya azad, li ser xebatkarên jin ê çapemeniya azad gelek zext û zordarî heye. Nagîhan Akarsel jî di encama vê polîtîkayê de di 2022yan de li Başûrê Kurdîstanê bajarê Silêmaniyê bi destê dewleta Tirk de hate kuştin. Heval Nagîhan jinek wêrek bû, ji ber wê kuştina wê ji bo dewleta Tirk bibû armanca sereke. Niha em lêdinêrin piştî heval Nagîhan hevalên me li aliyê dewletê de bûn hedef. Em dibînin ku dewleta Tirk rojnamegerên Kurd hedef digirin û dikuje. Kîjan hevalê me şehîd bikeve cihê hevalê xwe em digirin em dibêjin pênûsa me, şopa me, rêya me hevalên me yên şehîd ketine, hevalên me yên girtîgehan de ne em ê xwedî li mîreteya wan diderkevin û em li ser şopa wan dimeşin. Ne tenê jinên rojnameger, hevalên jin jî heval Nagîhan Akarsel, heval Gurbetellî Ersoz, Nûjiyan Erhan em wan binasin û li ser rêya wan bimeşin. Wek rojnamegerên Kurd em dibêjin pênûsa me û rêya me jî şehîdên me ne.”
