Hevseroka Giştî ya DEM Partiyê Tulay Hatimogullari anî ziman ku ew li benda daxuyaniya Rêberê PKKê Abdullah Ocalan in û wiha got: “Piştî banga Rêberê PKKê Abdullah Ocalan dê rûpeleke din bê vekirin. Em ê li 81 bajaran bi gel re civînan pêk bînin. Em ê aştiyê û daxuyaniyên birêz Ocalan bi gel re parve bikin.”
Hevseroka Giştî ya DEM Partiyê Tulay Hatimogullari beşdarî Medya Haber TVyê bû û têkildarî geşedanên dawî nirxandin kir. Tulay Hatimogullari, anî ziman ku ew li benda banga Rêberê PKKê Abdullah Ocalanın û wiha got: “Em gotina Wezirê Dadê Yilmaz Tunç a der barê “Mevzuatê” de neyîni dibînin. Em dipirsin gelo li Îmraliyê mevzûat heye?’ Mirov nikare pêvajoya aştiyê di sînorê mevzuatê de bi sînor bike. Ev li dervê aqilan e. Em hêvî dikin ku aqilê dewletê wekî aqilê wezîr naxebite. Li gorî agahiyên li cem me, divê birêz Ocalan bi vîdeoyekê peyamê bişîne. Cihê ku niqaşa ‘Dê peyamê bi vîdeo bide an nade’ tê kirin mirov nikare qala diyalogek bi tendurist bike. Ev tê wateya ku tecrîd didome. Tenê bi hevdîtinekê tecrîd nayê şikandin. Heta ku azadiya fizîkî ya Birêz Abdullah Ocalan pêk neyê em ê çawa karibin di rêde bimeşin. Birêz Abdullah Ocalan bi xwe got ‘Ji bo ez karibim rista xwe ya çareseriyê bilîzim divê şert bên avakirin. Divê şertên azad bên avakirin. 26 salin daxwazên me jî li ser esasê azadiya fizikî ye. Daxuyaniya birêz Abdullah Ocalan ku her kes li bendê ye dê kengî bê parvekirin ne diyar e. Hemû kes li benda vê daxuyaniyê ne.
Piştî banga Birêz Ocalan dê rûpela duyemîn bê vekirin
Tulay Hatimogullari, destnîşan kir ku ew li benda banga duyemîn a Rêberê PKKê Abdullah Ocalan in û wiha axivî: “Piştî bang ji Birez Abullah Ocalan bê, em ê rûpela duyemin vekin. Li gorî me ji hêj pêvajo nav lê nehatiye kirin. Di rûpela ewil de em bi gel re hatin cem hev. Me bi partî û rêxistinên civakî re hevdîtin kir. Ji 1ê cotmehê heta niha hevditinên me yên gel û rêxistinan pêk hatin. Piştî daxuyanî û banga birêz Abdullah Ocalan em ê rûpela duyemîn vekin. Ez dixwazim bê zanîn ku em ê li 81 bajarên Tirkiyeye li ser aştiyê civînan pêk binin. Em ê fikrên Birêz Ocalan bi gel re parve bikin. Em ê li her bajarî bi hemû hêzên civakî û siyasî re hevdîtinan bikin. Em ê bi şev û roş kar bikin.”
