Platforma Ked û Demokrasîyê bi boneya 14emîn salvegera Komkujiya Roboskiyê daxûyanî da û xwest ku dewlet ji malbatan lêborîn bixwaze û faîlan tespît bike.
Platforma Ked û Demokrasiyê ya Wanê bi boneya 14emîn salvegera komkujiya Roboskiyê ku di 28ê Kanûna 2011an de 34 welatî bi balafirên şer hatin kuştin, li Kolana Hunerê ya Wanê daxuyaniyek da. Komê di çalakiyê de pankarta “Komkujiya roboskiyê ji bîr neke” vekirin. Endam, rêveber û nûnerên saziyên sivîl û partiyên siyasî tev li daxuyaniyê bûn.
‘Em ê Roboskiyê nedin jibîrkirin’
Hevberdevkê platformê Nîhat Tûnç bi tirkî daxuyanî xwand. Nîhat Tûnç diyar kir ku pêvajoya hiqûqî ya Komkûjîya Roboskiyê pêwîst e bêalî û xweser were meşandin û got: “Pêwîste dewlet ji bo vê trajediyê lêborînê malbatan bixwaze, faîla tespit bike û divê kesên berpisyar li pêşiya darazê hisap bide. Em ê Komkujiya Roboskiyê nedin ji bîr kirin.”
Daxuyanî bi lêdana çepikan bi dawî bû.
