Amed – Li 8emîn Fuara Pirtûkan a Amedê polîsan bi ser standa Weşanxaneya Aramê de girt. Polîsan 6 pirtûkên Nelson Mandela û 46 pirtûkên Mehmet Hayrî Durmuş desteser kirin.
Li Amedê 8emîn a Fuara Pirtûkan berdewam dike. Ji duh ve standa Weşanxaneya Aram di hedefa polîsan de ye. Duh pirtûka “Dildarê Serkeftinê” ya Mahmut Aba hatibû desteserkirin. Vê sibehê jî polîsan bi ser standa Weşanxaneya Aramê de girt û cure pirtûk desteser kirin. Polîsan îdia kir ku ew bi teblîxnameya dozgeriyê pirtûkan desteser dikin.
Pirtûkên Nelson Mandela û Hayrî Durmuş hatin desteserkirin
Polîsan pirtûka Rêya Diçe Azadiyê (Ozgurluge Giden Uzun Yol – Nelson Mandela) ku pêşgotina wê ya Abdullah Ocalan e û qala otobiyografiye dike hatiye wergerkirin û pirtûka Name û Nivîs (Mektuplar ve Yazilar) ku nivîskarê wê Mehmet Hayrî Durmuş e, desteser kirin. Polîsan 6 pirtûkên Nelson Mandela û 46 pirtûkên Mehmet Hayrî Durmuş desteserkirin. Polîsan dest danî ser pirtûkan û li gel xwe birin. Xebatkarên standa Aramê û xebatkarên Fuarê nerazîbûn nîşanî desteserkirina pirtûkan dan. Tevî hemû nerazîbûnan jî pirtûk hatin hatin desteserkirin.
‘Em ê şerma wan îfşa bikin’
Xebatkara Aramê Newal Bulut nerazîbûn nîşanî desteserkirina pirtûkan da û got: “Werin hemû pirtûkan bibin, em jî standa xwe bigirin. Bila ev jî bibe şerma we. Em ê di şûna pirtûkên hatin desteserkirin de nivîsa ‘Pirtûkên me hatine desteserkirin, dizîn’ binivisînin. Bila şerma wan bê dîtin.”
