Polîsan serê sibê bi ser avahiya şaredariya Bajarê Mezin a Wanê de girt. Polîsan di serdegirtina avahiya şaredariyê de rojnameger Bîlal Babat, Medîne Mamedoglu, Behcet Bayhan, Mehmet Guleş û Rabîa Unver, Rûşen Takva û Hevşaredarê Bajarê Mezin ê Amedê Dogan Hatun binçav kirin.
Gelê Wanê li dijî hewldana tayînkirina qeyûm 5 roj in li pêş avahiya şaredariya Bajarê Mezin a Wanê nobetê digirin. Polîsan serê sibê bi ser avahiya şaredariya Bajarê Mezin a Wanê de girt. Polîsan di serdegirtina avahiya şaredariyê de nûçegihanê Ajansa Mezopotamya Bîlal Babat û Mehmet Guleş, nûçegihana JINNEWSê Rabî Onver, rojnmeger Medîne Mamedoglu, Behcet Bayhan û Rûşen Takva û her wiha Hevşaredarê Bajarê Mezin ê Amedê Dogan Hatun binçav kirin. Her wiha hat zanîn ku bi dehan welatiyên nobetê digirtin, hatine binçavkirin û binçavkiriyan birine Midûriyeta Polîsan a Wanê.
Polîsan piştî demekê Hevşaredarê Bajarê Mezin ê Amedê Dogan Hatun serbest berdan.
Polîsan xwest Hevşaredarê Bajarê Mezin ê Wanê Abdullah Zeydan teblîgata ku Wezîrê Karên Hundir ê Tirk ji bo dûrxistinê şandiye îmze bike. Lê Abdullah Zeydan teblîgat îmze nekir.
