Kesên di dema qedexeyên derketina derve de hatine kuştin li Goristana Esrî ya Cizîrê hatin bîranîn.
Komeleya Piştgirî û Yekitiyê ya ji bo Kesên Xizm û Nasên xwe li Dergûşa Şaristaniyê Windakirinê (MEBYA-DER) bi boneya salvegera qedexeyên derketina dervê yên navçeyên Cizîr û Silopiyayê li pêşiya Goristana Esrî ya Cizîrê daxuyanî da. Hevberdevka DEM Partiyê Ayşegul Dogan, Nûner û rêveberên DBP, DEM Partiyê yên navend û navçeyan, Tevgera Jinên Azad (TJA), Dayikên Aştiyê, nûnerên sazî û rêxistinên sivîl ên Şirnexê, rojnamegerên Ewropî û gelek kes tev li bîranînê bûn.
Hevseroka MEBYA-DERê ya Cizîrê Esmer Çikmaz di destpêkê de axivî û anî ziman ku 10 sal berê kûştin û qetlîamên mezin di qedexeyên derketina derve de hatin pêkanîn.
‘Talan kûştin û îşkence kirin’
Hevseroka DEM Partiyê ya Cizîrê Fîlîz Acû anî ziman ku di qedexeyan de talan, kuştin û îşkence dest pê kirin. Gelek bajar hatin hilweşandin. Di van oprasyonan de zirarên mezin dan gel. Jin zarok û sedan sivîl hatin kuştin. Welatiyên birîndar bêyî av û derman hatin hiştin.”
‘Divê em Rêber Apo guhdar bikin’
Filiz Acûyê bal kişand ser girîngiya pêvajoya Aştî û Civaka Demokratîk û wiha dawî li axaftina xwe anî: “Hewce ye ji pêvajoyên derbasbûyî ders werin girtin. Em ji bo serkeftina pêvajoyê tevbigerin. Divê em tiştên ku Rêber Apo gotine guhdar bikin. Em ê xebatên xwe hêj zêdetir bikin.”
Piştî axaftinan serdana gorên kesên jiyana xwe ji dest dane hat kirin û yasîn hat xwendin. Piştî duayan girse bi berzkirina dirûşmên “Şehîd namirin” û “Bijî Serok Apo” belav bû.
