Însiyatîfa Ji Girtiyên Nexweş re Azadî vê hefteyê bal kişand ser tenduristiya girtiyê nexweş Emîn Aladag. Înîsiyatifê destnîşan kir Emîn Aladag ji sedî 87 astengdar e, lê dîsa nayê berdan.
Însiyatîfa ji Girtiyên Nexweş re Azadî, di hefteya 572yan de çalakiya xwe li kolana Sakarya ya Çankaya ya Enqereyê berdewam kir. Girsê di daxuyaniyê de pankarta li ser, “Tedawî maf e nayê asteng kirin, bila girtiyên nexweş bên berdan” vekirin. Rêveberê Şaxa Komeleya Mafê Mirovan (ÎHD) a Enqereyê Atîla Dîrîve daxuyanî da û bal kişandin ser rewşa girtiyê nexweş Emîn Aladag.
Atîla Dîrim anî ziman ku Emîn Aladag di girtîgehê de nayê tedawîkirin û got: “Vê hefteyê em dixwazin rewşa Emin Aladag ê ku di Girtîgeha Ewlekariya Bilind a Elazixê ya Hejmar 1ê de girtiye bînin ziman. Di 1993an de hat binçavkirin. Ji ber êşkenceyê lîfên milê wî yê rast û lingê çepê qetiyan. Di 1998an de hat berdan. Lê piştî cezayê erê kirin, di 2000î de dîsa girtin û şandin girtîgeha Wanê. Li girtîgehê, dereng emeliyatên kirin. Dermankirina wî taloq kirin. Parêzerên wî ji bo tedawiyê serî li girtîgehê dan, lê daxwazên parêzeran red kirin. Ji ber vê yekê tenduristiya wî xera bû. Emîn Aladag 27 sal in di girtîgehê de ye. 2 sal in bi nexweşiya Parkinsonê ketiye. Nexweşiyên wî yên kronîk ên tansiyon û şekir hene. Nexweşiyên KOAH, astim, mîde, fidiqa stu û piştê pêre heye.”
Rapor: Divê li cem malbatê be
Atîla Dîrim diyar kir ku Emîn Aladag ji milê rastê ameliyat bûye û got: “Divê ji milê çepê ve jî ameliyat bibe. Piyê wî ji ber fitiqê felc bûye. Divê ji fitiqa piştê emeliyat bibe. Rapora ji 87 astengdar heye. Rewşa wî girantir bûye. Tenê dikare bi alîkariya hevalên xwe bijî. Di rapora Desteya Tenduristiyê ya Nexweşxaneya Bajêr a Elazixê ya Fethi Sekin a 13ê Tebaxa 2025an de dibêje ‘Nexweşiya Parkinsonê pêre heye. Bi gopal dikare bimeşe. Artroplastiya çongê çepê, lingê rastê yê nizm, qetîna lîfên her du milan, menîskopatî di her du çongan de, KOAH, hîpertansiyon hene. Di Girtîgeha Ewlekariya Bilind a Hejmar 1 de dimîne. 27 sal in di girtîgehê de ye, 3 sal cezayê wî maye, di koguşeke sê kesî de dimîne. Karên wî yên rojane ji aliyê hevalên wî ve tê kirin. Ji ber vê yekê, divê bi lezgînî li cem malbata xwe û di şert û mercên tendurist de ji bo dermankirina wî bê berdan.”
