Li gel şerên giran ê Amerîka-Îsraîlê yê li dijî Îranê her diçe dijwart dibe jî Îran dev ji darvekirin, girtin û binçavkirinan bernade.
Zextên rejîma Îran ên li ser welatiyan dewam dikin, tevî 39 roj in Amerîka û Îsraîl dijî Îranê êrişek mezin dane destpêkirin, lê Îran dev ji darvekirin, ceza, girtin û binçavkirinan bernedaye. Divê çarçoveyê de tê gotin cezayê darvekirinê li girtiyek Kurd hatiye birîn.
Li gorî Tora Mafê Mirovan ya Kurdistanê, Dadgeha Şoreşê ya Mahabadê cezayê darvekirinê li welatiyê bi navê Muhsîn Îslamxa (20) yê xelkê bajarê Bokanê ya Rojhilatê Kurdistanê biriye.
Tora Mafê Mirovan ragihand ku cezayê darvekirinê bi hinceta “serîhildanê” li Muhsîn hatiye birîn. Tê gotin nêzî du mehan Muhsîn di girtîgeha Urmiyeyê de hatiye êşkencekirin û xwestine bi zorê sucê xwe îtiraf bike. Li gorî agahiyan piştî êşkenceyek zêde, Mushîn şandine girtîgeha Bokanê.
Hêjayî gotinê ye di sala 2022yan de, Muhsin Îslamxa ji ber beşdarbûna di xwepêşandanên şoreşa “Jin, Jiyan, Azadî” de li bajarê Bokanê, ji aliyê hêzên îstîxbarat Îranê ve hatibû girtin.
